أبطال من ذهبالرئيسيةالعاب فرديهرياضات أولمبية

خاص ESN.. جيانا لطفي هدفي هو الفوز بذهبية في اولمبياد طوكيو

بعد فوزها ببرونزية بطولة الدوري العالمي للكاراتيه بدبي كان لنا لقاء سريع مع بطلة العالم للكاراتيه والمصنفة الثانية عالميا النجمة المصرية جيانا لطفي تحدثت فيه معنا عن استعدادها لاولمبياد طوكيو ورويتها لشكل المنافسة في البطولة واليكم تفاصيل الحوار ..

هل تاهلتي بشكل رسمي لاولمبياد طوكيو ؟
ان شاء الله بنسبة كبيرة ضمنت التواجد بطوكيو وساشارك في بطولتين قادمتين للحفاظ علي تصنيفي الحالي وتاكيد التاهل للاولمبياد .

ما طموحك في اولمبياد طوكيو ؟
هدفي هو تحقيق الميدالية الذهبية وربنا يكرمني ويساعدني علي تحقيق الهدف ده.

مين منافسينك المحتمل تواجدهم معاكي في طوكيو ؟
لاعبات الصين وتركيا وصربيا هم الاقوي وقريبين مني في التصنيف العالمي ، اتوقع تاهل لاعبات ايران وكندا وبيرو، وكنت اتوقع تاهل لاعبة فرنسا احد ابرز المنافسات في الوزن بس في انباء عن اصابتها بالامس بالرباط الصليبي للاسف واحتمال كبير تغيب عن طوكيو .

في الفترة الماضية حصل تراجع في النتائج وبعدين رجعتني تاني لمستواكي القوي المعهود ممكن نعرف الاسباب ؟
هو كان في بعض المشاكل مع اتحاد اللعبة وكلها اتحلت الحمد لله والموضوع كان بالنسبة ليا نفسي اكتر منه فني والحمد لله الأمور كلها دلوقتي مظبوطة .

تتوقعي مردود قوي للكاراتيه المصري في طوكيو خصوصا ان في عشر لاعبين فقط في كل وزن ، وهل اي حد مؤهل لطوكيو هينافس علي ميدالية ؟
اتمني واتوقع تاهل علي الصاوي عن طريق التصنيف العالمي واتوقع تاهل 3 لاعبين من المنافسات القارية ، وان شاء الله هيكون لينا تواجد قوي في اولمبياد طوكيو.
الوسوم

مقالات ذات صلة

زر الذهاب إلى الأعلى
إغلاق